ஓர் குரல்

எப்போதும் கேட்டுக் கொண்டே

இருக்கிறதோர் குரல்

இரைச்சல்கள் கூடிய சத்தங்களுடன்

ஆங்காரக் கூச்சலிடுகின்றன

நடு நிசிவெளியில்

ஓலங்களென...

விழித்துப் பார்க்கையில்

குப்பைத் தொட்டியைப்

பார்த்தபடி அமர்ந்திருக்கிறேன்

ஒற்றை வீதியின்

கடைசியில் ஒரு வாங்கில் (பெஞ்சில் )

அந்த குரலுடன் விவாதித்தபடியே

சற்றைக்கெல்லாம் பைத்தியமென

பட்டம் கிடைத்தபொழுதும்

அந்தக் குரல் ஓய்வதாயில்லை

கடைசி கடைசியெனவோர் சவப்பெட்டியில்

அடைந்த பொழுது மட்டுமந்தக் குரல்

மட்டுப்பட்டு தேய்ந்து போனது

என்னுடன் வரக்கூடுமோ

மறுபிறப்பிலும் அக் குரல் மீண்டும் ?