அவள் ....

கருநிற மேகமொன்று சற்று 

வெளிறிப் போயிருந்தது 

அவளது பார்வை

கலைந்து போனதில் நிலைத்து

மேகத்திரையில்

காற்றின் அலைகள் 

பிய்த்து போட்டன

கற்பனைகளை 

மீண்டும் 

ஒன்று கூடிற்று 

கலைந்து போனவை

பார்வையின் உஷ்ணம் 

தாங்காது 

கோர்த்து வைத்தவை 

காணாமல் போக 

கண்ணீர் வடித்தது வானம் ,

அவள் பார்வையில் பட்டபடி 

இடியாகவும் 

மின்னலாகவும்
உருமாற்றம் பெற்றன 

குரோதம் கொப்பளித்த கணங்கள் 

சலனங்கள் ஏதுமற்று 

மீண்டும் மீண்டும் வெறித்தபடி
பார்த்துக் கொண்டேயிருக்கின்றன 

அவளிரு விழிகள்